Серпінді сенбілік
Сырдария ауданында «Birge – taza Qazaqstan» экологиялық акциясы аясында серпінді сенбіліктер ұйымдастырылды.Аудан орталығындағы дербес бөлімдер мен мекеме-кәсіпорын ұжымдары «Birge – taza Qazaqstan» экологиялық акциясын өткізіп, тазалық жұмыстарын жүргізді. Нәтижесінде белгіленген аумақтардағы қоқыстар алынып, ағаштар түптері арамшөптерден тазартылды.
Акцияның мақсаты – табиғаттың ластану проблемасына назар аудару және экологиялық мәдениетті қалыптастыру болып табылады.
Аудан әкімі Мұрат Ергешбаев «Birge – taza Qazaqstan» экологиялық акциясына атсалысып жатқан ұжым мүшелеріне алғысын айтып, туған жердің көркеюіне үлес қосқандарға ризашылығын білдірді.
Осындай шаралар Тереңөзек кенті мен ауылдық округтерде ұйымдастырылып, тазалық жұмыстары жүргізілді.
