Балалар қауіпсіздігіне мән берейік

Аудандық полиция бөліміне қарасты жергілікті полиция қызметі бөлімшесінің ювеналды полиция тобы сәуір айының 19-25 күндері аралығында аудан көлемінде «Заң-бала-қауіпсіздік» жедел-профилактикалық іс-шарасын ұйымдастыруда.

Іс-шара барысында тәртіп сақшылары «Ішкі істер органдарының кәмелетке толмағандардың істері жөніндегі учаскелік полиция инспекторларының қызметін ұйымдастыру қағидаларын бекіту туралы» Қазақстан Республикасы Ішкі істер министрінің 2015 жылғы 29 желтоқсандағы №1098 бұйрығының 7-тарауы, 37-тармағы бойынша жұмыстар жүргізіледі. Бұл ретте, сала мамандары жасөспірімдердің қауіпсіздігін бақылайды. Балалар арасындағы заң бұзушылықтарды болдырмау мақсатында түрлі іс-шаралар жүзеге асырылады.