Барынша оқшауланған абзал

Дүниені дүрбелеңге салған жұқпалы індет араға жыл салып тағы өршіді. Біз­дің аудан «қызыл» аймаққа кіріпті. Бұл қауіп күшейгенін аңғартады. Соған қа­рамастан, аудан тұрғындарының бейқам­дығы алаңдатады. Сақтық шараларына немқұрайлы қарау адам өміріне кері әсе­рін тигізуі мүмкін. Бұған біз өткен жылдан бері куә болып келеміз. Сол себепті басты құндылық – халықтың амандығы екенін әр­кез естен шығармауымыз қажет.

Медицина қызметкерлерінің айтуынша, аты жаман кеселдің үлкен кісілерге қауіп­тілігі жоғары екен. Әрине, егде тартқан адамның иммунитеті де әлсіздеу келеді. Сондықтан халықты әзірге үйден шықпай, сақ болуға шақырамын. Біз мұндай кезеңді сабырлылық танытып, ауызбірліктің ар­қа­сын­да еңсеріп шығатынымыз анық. Се­бебі, ата-бабаларымыз бекем бірліктің нәти­жесінде көптеген нәубетті жылдар мен оба, кеселдерден аман шыққан.

Жалпы, тұрғындардың әлеуметтік ара­қа­шықтықты сақтап, вирустан қорғану құрал­дарын пайдаланғаны дұрыс. Әзірге той-томалақ, жиындарды қысқарта тұрған абзал. Әлі алаңсыз ашық аспан астында талай той тойлайтын күн туады деп сенеміз. Карантин талаптарын қатаң сақтайық, ағайын! Мейлінше, себепсіз үйден шықпай, барынша оқшауланған абзал.

Бағдат ЕСНАЗАР,
аудандық мәслихат
депутаты