Берік отбасы – есірткіден алыс

Адамзат тарихы қалыптасқалы бері түрлі кезеңдер мен қиыншылықтардан өтіп келе жатыр. Қаншалықты жақсы дамысақ соншалықты кедергілерге де ұшырап тұратынымыз белгілі. Адам өмірінде әсіресе отбасы-маңызды рөл атқарады. Кез-келген адамның жақсы тұлға болып қалыптасуында отбасының әсері маңызды. «Отбасы – шағын мемлекет» – деген мақалдан оның орнын жақсы түсінуге болады. Бейбіт заманның ұрпақтары тыныш өмір сүруде, алайда қоғамның кейбір олқы тұстары кез келген адамға әсер етеді. Бала тәрбиесінде – тұлға болып қалыптасу кезеңінде тура жолды сілтеп,ақыл айтып отыру – ол ата-ананың міндеті. Қазіргі қоғамда, әсіресе шет елдердеішімдік ішу,есірткі мәселесі алдыңғы орындарда тұр. Есірткінің кейбір түрлері ауырғанды басу, тыныштандыру мақсатында тек мөлшерімен ғана медицинада қолданылады,алайда күделікті өмірде тұтынуға арналған зат емес. Күн сайын әлеуметтік желілерде жантүршігерлік ақпараттар тарайды. Жас баланың қалыптасуында осы мәселе абай болуды талап етеді.

Ата-ана өз тарапынан отбасы өмірінде баланы еңбекқорлыққа тәрбелеуі керек. Абай атамыз: «әрбір жалқау кісі қорқақ, қайратсыз тартады; әрбір қайратсыз қорқақ ,мақтаншақ келеді; әрбір мақтаншақ қорқақ, ақылсызнадан келеді; әрбір арсыз жалқаудан сұрамсақ ,өзі тойымсыз, өнерсіз, ешкімге достығы жоқ жандар шығады» – дегендей, тәрбиелеп отырған ұрпағымыздың өнегелі болуы біздің болашағымызды болжайды, айқындайды. Есірткімен күресті қоғам болып дамытуымыз қажет. Өзге елдердің, әсіресе Еуропа елдерінің біздің ұрпақтарымыздың дамуына ықпалы тиіп жатады. Олардың өмірін бізге насихаттайтын әлеуметтік желілер.

Отбасы өмірінде баланың, жасөспірімнің немен айналысып, қандай сайттарға кіріп қарайтынын бақылап қою маңызды. Жаңа заманның талаптары да, жауапкершілігі де ерекше. Қанша сақтандық, алдын алдық дегенменде жаман нәрсе ықпалын тигізбей қоймайды. Мектеп тарапынан да, отбасы тарапынан да,қоғам тарапынан да қолдайтын балаларға арналған көмекші ұжымның болғаны орынды. Балалар отбасында бақытты, көңілді болса – оның көңілі басқа жаққа ауыса қоймайды. Жанындағы достарымен жақсы қарым қатынас жасап бейбіт өмір сүруге бала міндетті. «Өсер елдің баласына лайық салмақты, сабырлы, білімді, жат қылықтан аулақ, елдің ертеңгі азаматы болып өсе берейік!» дегім келеді. Алдағы уақытта бұл мәселе әдетке айналмайтынына сенімдімін! Болашақ ұрпак есірткіге тәуелділіктің не екенін білмей өседі деп ойлаймын!

Қарлығаш Айтуғанқызы, 

#ҚЗПРЕҚҚІҚБбайқауына