Бірде-бір сайлаудан қалыс қалмадым

Қазақстан Республикасы Парламенті Мәжілісі мен мәслихат депутаттарының сайлауы тұтас ел үшін маңызды шара деп білемін. Әрбір азамат осы саяси науқанға қатысуды мәртебелі іс деп қабылдауы қажет.

Мен ауданның білім саласында, сондай-ақ басқа да мерейлі қызметтерді атқардым. Осыған дейін болған бірде-бір сайлаудан қалыс қалмадым. Бұл сайлауға да қатысып, өз таңдауымды жасадым. Және де әрбір адам ел болашағы үшін дауыс беріп жатыр деген сенімдемін.

Жалпы, бұл жолғы сайлаудың өзіндік ерекшеліктері бар. Мәселен, парламенттік тәжірибеде алғаш рет партиялық тізімге әйелдер мен жастар үшін 30 пайыздық квота енгізілген. Бұл қоғамдағы белсенді әйел-аналардың ел мүддесі үшін жұмыс істеуіне зор мүмкіндік есені сөзсіз.

Ұлмекен ЖАНӘЛИЕВА,
«Сырдария ауданының Құрметті азаматы»,
«Сырдария ауданының әйелдері» қоғамдық бірлестігінің төрайымы