Адам саудасының құрбаны болмаңыздар!

Қазақстан Республикасы аумағында жыл сайын 500-ден астам азамат жоғалады. Адам саудасының құрбаны болмаңыз және ондай фактілерге жол бермеңіз! Олардың алдын алу мақсатында Сырдария аудандық прокуратурасы төмендегіні ұсынады.

1. Танымайтын адамдардың ұсынысы негізін­де жалақысы жоғары жұмыс жасауға келісу арқылы алданып қалудан сақтану керек. Көп жалақы төленетін жұмыс ұсынған жағдайда оның шынайлығын тексеруге мән беру қажет;

2. Бейтаныс адамдармен себепсіз қатынасқа түсуге болмайды;

3. Кәмелет жасқа толмаған балаларды ата-анасының қарауынсыз қалдырмауға жіті көңіл бөлген дұрыс;

4. Жеке құжаттар туралы мәліметті (жеке куәлік, паспорт, туу туралы куәлік, есеп шоттар) бөгде адамдарға себепсіз бермеу керек;

5. Жұмысқа орналасу барысында міндетті түр­­де жұмыс берушімен келісім-шарт жасалуы керек;

6. Алкогольдік ішімдікпен, есірткі заттарымен әуестенбеу, яғни спирттік ішімдікке әуес азаматтар масаң күйде болған жағдайда олардың дәрменсіз күйін пайдаланатын адамдардың аз еместігін ескеру керек;

7. Шет елдерден келген азаматтардың құ­жат­тарын заңнамаға сәйкес заңдастыру керек;

8. Егер, шет елдерге және басқа облыстарға кеткен жағдайда өз телефон нөмірлері немесе байланыс құралдары туралы ақпараттарды міндетті түрде қалдыру керек;

9. Жұмысқа орналасқан жағдайда жақын ту­ыс­тарына қайда, кімнің мекемесінде және қандай мекенжай бойынша жұмыс жасайтыны туралы жиі хабарлап тұрған жөн;

10. Жүйке ауруларымен ауыратын азаматтарды туысының қарауынсыз қалдыруға болмайды.

Егер, Сіз адам саудасына қатысты қылмыс­тық құқық бұзушылықтың құрбаны немесе куәсі болсаңыз, аудандық прокуратураның 8 (72436) 21-5-02 немесе 102 байланыс нөміріне хабар беруіңізді сұраймыз.

Сырдария ауданының прокуратурасы