Дәрігерлердің еңбегіне бас иеміз

Елімізде наурыз айында бас­талған қауіпті індетке байланыс­ты қатаң шаралар қабылдан­ғаны белгілі. Эпидемиялогиялық ахуалды тұрақ­тан­дыру мақсатында карантин талаптары күшейтілген болатын. Карантидік шектеу талаптары кеселді еңсеруге ықпал етті. Бір айға жуық уақытта өрши түскен коронавирус инфекциясының қар­қыны бәсеңдеді. Біз күнделікті санитарлық ережелерде қатаң ұстанғанда індетің таралуын тежей аламыз.

Бүгінгі таңда карантин ереже­лерін жеңілдету мақсатында Қы­зыл­орда облысы бас санитар дәрігерінің №20 Қаулысы жарияланды. Мұнда кейбір кәсіпкерлік нысандар мен әлеуметтік орындар­дың жұмысына рұқсат етілген. Осы орайда індеттің қайта өршімеуі үшін барынша сақ болуымыз керек.

Аудан бойынша ахуалдың тұрақ­тануына ақ халатты дәрігер­лер­дің де еңбегі зор. Күні-түні әрбір науқастың жанынан табылып, ін­детпен күрес жүргізді. Дәрігер үшін әрбір адамның өмірі құнды. Жауапкершілік жүгін көтерген олар­дың табандылығына дән ризамыз. Уақытында ауыр халдегі науқастарға қол ұшын созып, бас­тарын қатерге тікті. Қайрат жігері жасымаған дәрігерлердің еңбегіне бас иеміз.

Айта кету керек, карантин талаптары жеңілдетілгенмен вирус біздің өмірімізден алыстаған жоқ. Індеттің қайта өршуіне жол бермес үшін қай кезде де қырағылық танытайық. Санитарлық талап­тарға көңіл бөлейік. Дәрігерлер айтқан ережелерді қатаң сақта­йық. Жақынымызға жанашыр бо­ла­йық!

З.АМАНЖОЛОВА,

газеттің тұрақты оқырманы