Автокөліктегі өрт қауіпсіздігі

Өрт – тілсіз жау. Ол айтып келмейді. Сондықтан ондай жолмен күресу үшін төрт қаруың түгел, сақадай сай болуың қажет. Ал бүгінгі таңда автокөліктерде өрт қауіпсіздігі ережелері сақталмай отыр. Өрт қауіпсіздігін қамтамасыз ету адамдардың өмірі мен денсаулығын, меншікті, ұлттық байлық пен қоршаған ортаны қорғау жөніндегі мемлекеттік қызметтің ажырамас бөлігі. Аудан көлемінде 2019 жылдың 7 айында 7 автокөлікте өрт оқиғасы тіркелген болса, 2020 жылы 2 автокөлік өрті тіркелген.

Көбінесе тілсіз жаудың шығуы автокөліктің электр сымдарының қысқаша тұйықталуынан пайда болады.

Сырдария ауданының төтен­ше жағдайлар бөлімі автокөлік иелеріне ескертеді:

– Автокөліктеріңізді дер кезінде тех­никалық байқаудан өткізгеніңіз дұрыс;

– Үнемі оның дұрыс екенін қа­дағалаңыз, әсіресе электр сым­дарға баса назар аударыңыз;

– Өзіңізбен бірге әрқашанда өрт сөн­діргіш құралы болсын, оны қолжетімді жерде ұстаңыз;

– Егер Сіздің автокөлігіңізде өрт болған жағдайда көлікті тоқ­татып, өрт сөндіргіш құралын алып, өрт ошағына жақындатып шашыңыз;

– Егер өрт сөндіргіш құра­лыңыз тиімді болмаса, әрі қарай құм мен топырақты пайдаланыңыз.

– Жанып жатқан кезде мүм­кіндігінше есік пен терезені ашық қалдырмаңыз. Көліктің есігін мықтап жаппасаңыз, өрт шарықтап кетуі мүмкін.

– Егер көлігіңізден өрт шықса аку­м­­мулятордың клеммасын ажыратып тастаңыз.

Орын алған төтенше жағдайлар мен оқиғалар кезінде «101», «112», 21-2-00 және 21-4-94 телефондарына хабарласуларыңызды сұрайды.

Сырдария ауданының төтенше жағдайлар бөлімі