Аманкелділіктерге көмек көрсетті

Облыста игілікті іс жасауды дәстүрге айналдырған «Абай-Дәулет» ЖШС-нің директоры Мұрат Сәрсенбаев бұған дейін ауданға қарасты Бесарық, А.Тоқмағамбетов, С.Сейфуллин ауылдарына демеушілік жасап, ауылдық емханаларды қажетті дәрі-дәрмектермен қамтамасыз еткен болатын. Жанашыр жан осы игі істерін жалғастырып, Аманкелді ауылына да қамқорлық танытты.

Ардақты азамат Аманкелді ауылдық емханасына 700 мың теңгеге бірінші кезекте қажетті дәрі-дәрмек және медициналық құралдарды алып берді. Ауылдың медицина қызметкерлері дәрі-дәрмектерді тиісті талапқа сай қабылдап алды. Олар дәрігердің нұсқаулығы бойынша науқастарға берілетін болады.

Аманкелділіктерге жұқпалы індетпен күресте қолдау білдіріп, көмек көрсеткені үшін жанашыр азаматқа алғысымызды білдіреміз!