Партиялық мониторинг жұмыстары ұйымдастырылды

Nur Otan партиясы аудандық филиалының ұйымдас­тыруымен карантиндік талаптарды сақтау бағытында пар­тиялық мониторинг жұмыстары жүргізілді. Шараға жетекші партия өкілдерімен қатар, аудандық кірістер басқармасының, тауарлар мен көрсетілетін қызметтердің сапасы мен қауіп­сіздігін бақылау басқармасының, полиция бөлімінің және бұқаралық ақпарат құралдарының қызмет­керлері қатысты.
Партиялық бақылау барысында Nur­ Otan партиясы аудандық филиа­­лы тө­раға­сының бірінші орынбасары Ер­ке­­бұлан Жақып блок бекеттердегі жұ­мыс­тар облыстың бас мемлекеттік сани­тар­лық дәрігерінің қаулысына сәй­кес жүргізілу керектігін айтты.
– Талап пен тәртіп – баршаға ортақ. Ка­рантиндік талаптар жеңілдетілгенмен жауапкершілік жүгі азайған жоқ. Әрбір азаматтың денінің саулығы біз үшін маңызды. Сондықтан дұрыс түсіндірме жұмыстары жүргізілу керек және блок бекет­терден арнайы рұқсат қағазы бар азаматтар ғана өтуі тиіс, – деді Еркебұлан Төлепбергенұлы.
Өз кезегінде тауарлар мен көрсетілетін қызметтердің сапасы мен қауіпсіздігін бақылау басқармасының бас маманы Ж.Қасымханов карантиндік талаптарды сақтау бойынша бақылау жұмыстары дүкендерде, қоғамдық орындарда және жұмысын қайта бастаған мекемелерде жүргізілгенін айтты. Бұл жұмыстар алдағы уақытта да үйлестірілетінін жет­кізді. Сондай-ақ сындарлы кезеңді өт­керу үшін құқық қорғаушылар еңбегі ерек­ше екенін атап өтті.
Атап өту керек, Covid19 пандемиясына байланысты туындаған мәслелер Nur Otan партиясы аудандық филиалының басты назарында. Партиялық мониторинг жұмыстарын апта сайын жүргізіп жатқан аудандық филиал өкілдері демеу­шілердің және ерікті жастардың қол­дауымен аз қамтамасыз етілген отба­сыларға да әлеуметтік көмек көр­сетті. Республикалық «Біз біргеміз» акциясы шең­берінде ұйымдастырылған игі іс жалпы­халықтық қолдауға ие болып, қайы­рымдылық шараларын жекелеген азаматтар да жалғастыруда. Бұл партия бастамаларының өміршең екенін және қоғам тарапынан қолдауға ие болғанын білдіреді.

Гүлсім Әлжанова