Соңғы тәулікте Қызылордада коронавирус індеті тіркелмеген

Қызылорда облысында коронавирусы инфекциясымен соңғы тәулікке науқас тіркелген жоқ. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасы басшысы Жақсылық Абдусаметов мәлімдеді.

«Жалпы облыс бойынша 179 науқас тіркелген, оның 99 азаматы сауығып шықты. Сондай-ақ, коронавирус инфекциясын жұқтырғандармен байланыста болған -2658 азамат анықталды. Оның ішінде, 1361-і жақын қарым-қатынаста, 1297-сі жанама байланыста болған. Қазіргі таңда, жұқпалы аурулар ауруханасында 80 науқас ем қабылдауда. Бұған қоса, провизорлық стационарда 53 науқас , карантиндік бақылауға 490 азамат жатқызылған»,-деді Жақсылық Әбілқасымұлы.

Құрметті облыс тұрғындары, карантин ережелерін сақтап, үйде болыңыздар.