Тіршілік тынысы Tirshilik-tynysy.kz ақпараттық агенттігі
» » Ауыл – ел бесігі

Ауыл – ел бесігі

Ақжарма ауылында тұр­ғындарды жұмыспен қам­тып, елді мекеннің дамуына зор үлес қосып келе жат­қан іргелі екі шаруашылық бар. Екі шаруашылық та аудандық газеттің тұрақты қолдаушысы. Жақында бірлігі бекем ауылдағы шаруашылықта жұмыс іс­тейтін Айгүл Рисбембетова есімді ана редакцияға соқты. Айтуынша, қызы Аида Әбілхан аудандық ба­сылымның әрбір нөмірін үзбей оқиды екен. Ұлы ақын Абай Құнанбайұлының есімі берілген мектепте білім алатын талапты оқушы бо­лашақта журналист болуды армандайды. Газетіміздің бүгінгі нөміріне талапты жастың ауыл туралы жазыл­ған шағын мақаласын жариялауды жөн санадық.
Халқымыз үшін ауылдың алатын орны ерекше. Өйткені, аңызға айнал­ған абыздың, ел басқарған дананың, саңлақ спортшылардың басым көп­шілігі ауыл­дан түлеп ұшқан. Ауыл­дың қадір-қасиетін сөзбен айтып жет­кізу мүмкін емес. Мен үшін ауыл – бақытымның бастауы және өмірдегі ең қымбат ме­кен.
Бақыттың, қызықтың, берекелі тір­лік­тің бәрі ауылдан бастау алады. Ауыл – ел бесігі. Кейде адамдар қала мен ауылды салыстырып жатады. Көп­қабатты үйлер мен сәулетті ны­сандар орналасқан үлкен қалаларда мүмкіндіктің көп екенін айтады. Десе де ауылда да жақсы өмір сүруге бола­ды деп ойлаймын.
Ауыл десе, еске төрт-түлік мал­дың оралатыны белгілі. Мен тұра­тын Ақжарма ауылы да мал шаруа­шылығымен айналысады. Соны­мен қа­тар ауылда екі ірі шаруашылық кү­ріш егеді. Тіректі елді мекенде соңғы жылдары жақсы жұмыстар атқарылды. Ауылымызда ауыз су тәулік бойы беріледі және жарықтан мәселе жоқ. Біз сабаққа баратын орталық алаң жөнделді, жазда бұл маңда гүл­дер жайқалып тұрады. Бұл – біз үшін зор қуаныш.
Ауылымызда ардақты ақсақалдар мен аналар көп. Елді мекенде оларға құрмет көрсетудің үрдісі қалып­тасқан. Мектебізде де тәр­биелік мәні зор тағылымды іс-шаралар ұйым­дас­тырылады. Бәрі­міз бір үйдің бала­сындаймыз. Ұстаз­дарымыз алды­мызда үлкен өмір күтіп тұрғанын, білім қуып, адал еңбек ету керектігімізді айтып отырады. Болашақта білікті журналист бо­лу­ды арман­даймын. Сон­дықтан оқушыларға арнал­ған мер­зімді ба­сы­лым­дарды, облыстық «Сыр бойы», «Ақмешіт жастары» және ау­дан­дық «Тіршілік тынысы» газетін үзбей оқимын. Ал­дағы уақытта білім берген ұстаз­дарымның сенімін ақтап, баспасөз сала­сында еңбек етіп, ауылымның жаңалықтарын ақпарат­тандырғым ке­леді.


Аида ӘБІЛХАН,
№130 Абай атындағы
орта мектептің
11 сынып оқушысы
04 ақпан 2020 ж. 609 0