Бізде шашы мен тісіне қарайды ғой

Басшылар жағы бірде Қалағаңа:

– Сіздің де жасыңыз келіп қалды. Ендігі жерде сол зейнетақыңызды алып, шығармашылығыңызбен айналыспайсыз ба? – депті. Сонда Қалағаң:

– Бізден басқа өркениетті елдерде адамның басы мен ісіне қараушы еді, бізде қай кезде де шашы мен тісіне қарайтынын білем. Жарайды, – депті де бөлмесінен шығып кете беріпті. Кейін Қалағаңның мына сөзінен ұялғаннан ба, әлде іргесін өзі құрған газетті қолынан бірден тартып алуға қымсынғаннан ба, әйтеуір тағы да біраз жыл істеуге еркіндік беріпті.

«Қалтайдың қалжыңдары» кітабынан