Күн бұлт болса, жаңбыр жауады

Қалағаң құрдасымен бір жерге бармақ болып, жеңіл машина күтеді. Онысы жуық арада келмей қояды. Құрдасы болса оған мән бермей:

– Қазір автобус келеді, соған жайласып отырамыз да, бірден жетіп барамыз, – деп шыдамсызданған Қалағаңды жұбатады. Сонда Қалағаң:

– Сенің сөзің де біздің бір пәлсапашы ақынымыздың ойларындай болды-ау, – дегенде, қасындағы құрдасы бір мырс етіп:

 – Ол не деп еді? – дейді.

Қалағаң: – Ол кісі күн бұлт болса жаңбыр жауады, жаңбыр жауса қолшатыр ұстау керек. Қолшатыр ұстамасаң үстің су болады дегендей ғой, – депті көңілсіз самарқау.

«Қалтайдың қалжыңдары» кітабынан