Сауда орынында өткен акция

Аудандық тауарлар мен көрсетілетін қызметтердің сапасы мен қауіпсіздігін бақылау басқармасының мамандары С.Сейфуллин елді мекенінде орналасқан сауда орынында акция өткізді.

Акция тамақтан улану ауруларының алдын алу, инфекциялық емес аурулары яғни, жүрек-қан тамыр мен қант диабеті, семіздік ауруларының профилактикасы мақсатында өтті.

Шара барысында тұрғындар арасында дұрыс тамақтануды қалыптастыру, жеке бас және қоғамдық гигиенаны сақтау, жедел ішек, тамақтан улану ауруларының алдын алу, саламатты өмір салтын ұстану қағидалары, фортификацияланған ұнның адам ағзасына қажеттілігі мен қасиеттері туралы түсіндірме жұмыстары жүргізілді.

Б.ТАҢАТАРҚЫЗЫ