"Алтын қазына" байқауынан республикаға жолдама алды

Қызылорда облысының білім басқармасы «Дарын» облыстық қосымша білім беру орталығының ұйымдастыруымен №9 дарынды балаларға арналған "Білім-инновация" лицей-интернаттары базасында «Алтын қазына» көркем және сәндік қолданбалы өнер бойынша балалар шығармашылығы байқауының облыстық кезеңі өтті.

Байқау қорытындысы бойынша аудан мектептерінің оқушылары жүлделі орын алды. Атап айтқанда "Металды көркемдеп өңдеу" номинациясымен №191 орта мектептің 9 сынып оқушысы Ерсайын Абадатдинұлы, жетекшісі Құрманғазы Төкенов І дәрежелі дипломмен марапатталып, республикалық кезеңге жолдама алды.

Сонымен қатар "Тоқыма бұйымдарын дайындау" номинациясымен және ІІ дәрежелі дипломмен №139 орта мектептің 8 сынып оқушысы Айзере Тәжібай, жетекшісі Жұлдызай Накипова марапатталды. 

"Ағашты көркемдеп өңдеу" номинациясында №42 мектеп-лицейдің 9 сынып оқушысы Қамбар Нұрланұлы, жетекшісі Абылай Сәрсенбаев үшінші орын жүлдегері атанды.

Барлық жеңімпаздарға арнайы сертификат пен сыйлық табысталды.

"ТТ" ақпарат