Ауыл шаруашылығы – маңызды сала
Ауыл шаруашылығы – ел экономикасының маңызды салаларының бірі. Ол халықты азық-түлікпен қамтамасыз етуден бөлек, жұмыс орындарын ашып, елдегі өндіріс көлемін арттырады. Ауыл шаруашылығының дамуы экспорт көлемін ұлғайтып, ұлттық табысты арттыруға да ықпал етеді. Соңғы жылдары салада агротехнологияның қолданылуы өнімділікті жоғарылатып, шығындарды азайтуға көмектесуде. Мысалы, заманауи суару жүйелері, тыңайтқыштарды тиімді қолдану және автоматтандырылған жабдықтарды пайдалану өнімділікті арттырып қана қоймай, еңбек шығынын азайтады.Алайда ауыл шаруашылығында бірнеше қиындық та бар. Қазақстанның көптеген аймақтарында су тапшылығы байқалып, табиғат құбылыстары өнімділікке әсер етуде. Бұл мәселені шешу үшін мемлекет тарапынан жаңа суару технологиялары енгізіліп, субсидиялар бөлініп отыр. Сондай-ақ жергілікті фермерлерді қолдау үшін әртүрлі бағдарламалар қабылдануда.
Ауыл шаруашылығын дамыту ауылдық жерлердегі халықтың әлеуметтік-экономикалық жағдайын жақсартып, жұмыссыздықты азайтады. Осының нәтижесінде ауыл тұрғындарының әл-ауқаты артып, жалпы ел экономикасына оң әсер етеді. Ауыл шаруашылығына тұрақты қолдау көрсетіліп, инновациялық тәсілдер енгізілсе, бұл сала болашақта елдің тұрақты дамуына үлкен үлес қосатыны сөзсіз.
Гүлім ЖҰМАҒАЛИҚЫЗЫ,
№191 орта мектептің оқушысы
