Қосылған құн салығы есебіне тіркеу

Қазақстан Республикасы «Салық және бюджетке төленетін басқа да міндетті төлемдер туралы» Кодексінің 82-бабы 2-тармағында көрсетілген міндеттемені түсіндіреді. Бұл тармақта қосылған құн салығы бойынша тiр­кеу есебiне қою мақсаттары үшiн айналымның мөл­шері күнтізбелік жыл ішінде ең төмен айналымнан асып кеткен жағдайдың заңдылығы айтылады. Ең төмен айналым республикалық бюджет туралы заңда белгіленген. Тиісті қаржы жылының 1 қаңтарына қолданыста болатын айлық есептік көрсеткіштің 20 000 мың еселенген мөлшерін немесе 69 000 000 құрайды. Қосылған құн салығы бойынша тiркеу есе­бiне қоюға жататын тұлғалар орна­ласқан жеріндегі салық органына ҚҚС бойынша тіркеу есебі туралы салықтық өтінішті беруге міндетті. Салықтық өтініш айналым мөлшерінің ең төмен айналымнан асып кетуі туындағанда беріледі. Яғни ай аяқталған күннен бас­тап он жұмыс күнінен кешіктірілмей өзі ке­лу тәртібімен қағаз түрінде немесе электрондық нысанда тапсырады.

Сонымен қатар қосылған құн салығы бойынша тіркеу есебіне мерзімінен кеш тіркелгені үшін, ҚР «Әкімшілік құқық бұзушылық туралы» кодексінің 269-бабы 3-тармағына сәйкес айыппұл қарас­тырылған. Нақты айтқанда, 50 айлық есептік көрсеткіш түрінде және осы кодекстің 275-бабы 5-тармағына сәйкес ҚҚС төлеуші ретінде есепке қойылмаған кезең ішінде айналым жасау есепке қойылмаған кезең үшін айналым сомасының 15% мөлшерiнде айыппұл төлейді.

Осыған байланысты ҚР Салық Кодексінің 82-бабы 4-тармағының талаптарының сақталуына каме­ралдық бақылау жұмыстары жүргі­зіліп, кәсіпкерлік қызметіңіздің табыс сомасы 64455362 теңгені құрап отырғандығы анықталады.

Күнтізбелік жыл ішінде ең төмен айналымнан асып кеткен жағдайда (69000000 теңге) қосылған құн салығы бойынша тіркеу есебіне мерзімінде есепке тұру қажеттігін назарыңызға саламыз.

Сырдария аудандық кірістер басқармасы

Фото: ашық дереккөзден