Бөлшек салық арнаулы салық режимі 190 қызмет түрін қамтиды
![](/uploads/posts/2023-11/medium/1699098892_7t9nejtag8.jpg)
Айналым мөлшеріне қарамастан табыс бойынша белгіленген шегіне дейін ҚҚС бойынша есепке тұрмауға, әлеуметтік салық төлемейтіндер құқылы. Сондай-ақ салық салу объектісін (шығыстарды шегермей кірістер) қызметкерлердің жалақысын төлеуге арналған шығыстар сомасына азайтады. Егер салық төлеуші микро және шағын кәсіпкерлік субъектілерінің санатына жататын болса, ЖТС және әлеуметтік төлемдерді төлеудің жалпыға бірдей белгіленген тәртібінің орнына қызметкерлердің кірістерінен бірыңғай төлем төлеуге көшуге құқылы екенін еске саламыз.
Сонымен қатар бөлшек салық режимін қолдануға рұқсат етілген қызмет түрлерінің тізбесі 114-тен 190 қызмет түріне дейін кеңейтілгенін, режимді қолдану бойынша норма мерзімсіз енгізілгенін қаперге саламыз. Айту керек, бұрын нормалар екі жылдық кезеңге енгізілген болатын.
Салық төлеушілердің назарына салатынымыз – салық кезеңі тоқсан болып табылады. Мәслихат шешімімен 2% - ға дейін төмендетілуі мүмкін жалпы 4% мөлшерлеме, сондай-ақ 8% мөлшеріндегі арнайы мөлшерлеме қолданылады. Ол төмендетуге жатпайды және егер сатып алушы (қызмет алушы) салық салуда шығыстарды құжатпен расталған шегерімдерге жатқызу жөніндегі норманы қолданған жағдайда қолданылады.
Шығыстар сомаларын шегерімге жатқызу үшін сатып алушы бөлшек салық режимін қолданатын тұлғадан ЭШФ жазуды немесе осындай сатып алушының ЖСН/БСН көрсете отырып чек беруді талап етуге құқылы.
Мәслихат ставканы төмендету жөніндегі шешімін ағымдағы жылы 1 шілдеден кешіктірілмей, келесі кезеңдерде – ставканы енгізу алдындағы жылдың 1 желтоқсанынан кешіктірілмей қабылдануға тиіс.
Сырдария аудандық
кірістер басқармасы