Тіршілік тынысы Сырдария аудандық қоғамдық-саяси газет
» » Кәсіпкерлікті қолдау күн тәртібінен түспейді

Кәсіпкерлікті қолдау күн тәртібінен түспейді

Аудан әкімі Мұрат­ Ергешбаевтың төраға­лы­­ғымен аппарат мәжі­лісі өтіп, күн тәртібінде негізгі екі мәселе қаралды. Мәжіліске аудан әкімінің орынбасарлары, кент және ауылдық округ әкімдері, бөлім, мекеме басшылары қатысты.

Алдымен, аудан әкімі кадрлық өзгеріспен таныстырып, аудандық дене шынықтыру және спорт бөлі­мінің басшысы лауазымына Айе­­кешов Жігер Ондасынұлының та­ға­йындалғанын жеткізді. Жаңа бас­­шы­ға жауапкершілігі мол жұ­мыс­­­­та жеміс пен сәттілік тіледі.

Мұнан соң аудан басшысы жыл­­дың қорытындылануға жақын қал­­ғанын айтып, ауданның негізгі әлеу­меттік-экономикалық дамуы­ның басым бағыт­тарына талдау жасады. Оның ішінде, ша­ғын және орта кәсіпкерлік саласының көр­сеткіштеріне тоқталып, халықты жұ­мыспен қамтуда саланың алатын орны ерекше екенін атап өтті. Аудан әкімі кәсіпкерлік саласын да­мыту мәселелері күн тәртібінен түспейтінін аппарат мәжілісіне қа­ты­­­сушылардың назарына салды.

Мәжілістің бірінші мәселесі де осы салада атқарылған жұмыстар­ға арналды. Аудандық кәсіпкерлік, өнеркәсіп және туризм бөлімінің басшысы Н.Қарсақбаев хабарлама жасап, жыл бойы атқарылған жұ­мыстарды баяндады. Бөлім бас­шысының айтуынша, 2021 жылы аудан бойынша 2593 шағын және орта кәсіп­керлік субъектілері тір­келген. Оның 2420-і нақ­ты жұ­мыс істеп тұр. Жұмыс жасап тұр­ған кәсіпкерлік субъектілерінің тір­­кел­гендерге үле­сі 93,3 па­йыз құ­райды. 2020 жылдың тиісті ке­зеңі­мен салыстырғанда жұмыс істеп тұр­ған кәсіпкерлік субъек­тілерінің саны 6,0 пайыз өскен.

– Кәсіпкерлерді қаржылай қол­дау жұмыс­тары жетілдірілуде. Со­ның аясында 2021 жылдың 11 айы­ның қорытындысымен ауданда мемлекеттік және өңірлік бағдар­ламалар аясында құны 2951,0 млн теңгені құрайтын 527 жобаға қар­­­жылай қолдау көрсетілді. Оның ішінде, құны 2790,9 млн теңгенің 284 жобасы несие болса, құны 160,0 млн теңгенің 243 жобасы грант. Атап айтқанда, «Еңбек» нәтижелі жұмыспен қамту және жаппай кә­сіпкерлікті дамыту бағдарламасы бойынша құны 457,6 млн теңгенің 85 жобасы қаржыландырылды. Олар­­дың басым бөлігі мал басын кө­бейту, мал бордақылау жобалары. Осы бағдарламаның екінші ба­ғыты аясында «Стартап» жаңа бизнес идеяларды іске асыру мақ­­­са­­тында 583 400 теңгеден 235 адамға 137,1 млн теңге көлемінде мемлекеттік қайтарымсыз грант берілді. «Микробизнес-Қызыл­ор­да»­ бағдарламасы бойынша құны 99,0 млн теңгенің 25 жобасы ке­ң­­ес­­­тің оң шешімін алып, қаржы­ландырылды, – деген бөлім басшысы «Жұмыспен қамту жол картасы» бағдарламасы бойынша құ­­­ны 49,1 млн теңгенің 14 жобасы қар­жыландырылғанын мәлімдеді.

Айта кету керек, ауданда «Биз­нес­тің жол картасы – 2025» бағ­дар­­­ламасының пайыз­дық мөл­шер­­­ле­­­мелерін суб­сидия­лау, ке­­­­піл­­­­­ден­діру бағыттары бойынша құ­­ны 469,1 млн теңгенің 90 жо­ба­сы екінші деңгейлі банкттер та­­­­­­ра­­­­­­­пы­нан қаржыландырылған. Осы бағ­­дарламаның грант беру тетігі аясында конкурсқа 37 жо­­ба ұсы­нылып, құны 23,0 млн тең­гені құрайтын 8 жоба грант же­ңім­пазы атанған. Сонымен қатар «Кең дала», «Агробизнес» және «Сыбаға» бағдарламалары бо­йын­ша 321,0 млн теңгенің 13 жобасына мемлекет тарапынан қол­дау көрсетілген. «ҚазАгроҚар­жы» АҚ-ның Қызылорда филиалы ар­қылы аудандағы 17 шаруа қо­жа­лығы құны 1395,1 млн теңгеге 57 ауылшаруашылық техникалары мен­ құрал-жабдықтары алынған.

Аудан басшысы шағын және орта кәсіп­керлік саласы аудан эко­номикасының басты тірегі екенін атап өтті. Бұл бағыттағы жұмыс­тарды аудан орталығынан бөлек шалғай елді мекендерде де үй­лестіру қажеттігін айтты. Сондай-ақ, бірқатар ауыл әкімдеріне мем­ле­кеттік қолдау жұмыстарының тиімділігін халыққа кеңінен түсін­діру мақсатындағы жұмыстарды жандандыруды міндеттеді.

Күн тәртібіндегі екінші мәселе жылу беру маусымының өту барысына арналды. Бұл мәселе бойынша аудандық тұрғын үй комму­налдық шаруашылығы, жолаушылар көлігі және автомобиль жолдары бөлімінің басшысы Е.Бахтияров баяндама жасады. Бөлім бас­шысының мәліметінше, аудандағы 80 әлеуметтік нысандағы жы­лу беру жұмыстары толық бақылауға алынған. Бұл бойынша аудан әкімінің өкімі қабылданып, аудан бойынша барлық нысанда 10- қазаннан бастап жылу берілген.

– Аудан бойынша әлеуметтік нысандарға қажетті 2513,7 тонна сұйық және 3387,6 тонна қатты отын сатып алуға облыстық және аудандық бюджеттен 493,8 млн теңге қаржы бөлініп, игерілді. Бүгінде әлеуметтік нысандар сұйық және қатты отынмен толық қамтылған. Осы орайда, ағымдағы жылдың 21 желтоқсан күні бөлім мамандарымен елді мекендердегі әлеуметтік нысандарға зерделеу жұмыстары жүргізілді. Зерделеу қорытындысымен білім саласы бойынша мек­тептердің қоймаларында сұйық отын қоры 66,8 тонна, қатты отын қоры 310,4 тонна бар екені нақтыланды. Балабақшалардың қоймаларында барлық сұйық отын қоры 49,8 тонна, қатты отын қоры 94,6 тонна құрап отыр. Ал мәдениет саласы бойынша ауылдық мәдениет үйі мен клубтарда барлық сұйық отын қоры 35,9 тонна, қатты отын қоры 78,8 тонна болса, спорт саласы бойынша 20 тонна қатты отын, 100 тонна сұйық отын бар. Ауруханалардың отын қорында 470 тонна қатты отын, 430 тонна сұйық отын бар. Бүгінгі күнде барлық бу қазандықтар ақаусыз жұмыс жасауда. Айта кету қажет, қазандық орналасқан ғимараттың тозығы жетуіне байланысты құны 76 млн теңге болатын жаңғырту жұмыстарына жоба-сметалық құжаттама әзірленіп, облыстық денсаулық сақтау басқармасына ұсынылған, – деген бөлім басшысы аудандағы көмір тасымалдаушы мекемелердің тұрғындарға қажетті 10,0 мың тонна көмір жеткізіп, қолжетімді бағада сатуы үшін меморандум жасалғанын айтты. Осы күнге дейін елді мекен тұрғындарына шамамен 9700 тонна қатты отын жеткізілген.

Айта кету қажет, қазір «Углесбыт» серіктестігінің базасында «Май­көбе», «Екібас­тұз» көмірлері сатылымда бар. Бөлім басшысы та­би­ғи газдың берілуіне байланысты көмірге сұраныстың азайғанын да атап өтті. Нақтырақ айтқанда, жобадағы 2162 тұрғын жайдың 1600-і газға қосылған. Сонымен қатар, 25 көпқабатты тұрғын үй мен 58 тұрмыстық-әлеуметтік нысандар «көгілдір отынның» игі­лігін көруде.

– Кент бойынша әлеуметтік нысандарды газға лайықтандыру мақ­сатында кент­тегі 2 мектеп, 1 әуез мектебі, 2 балабақша, 4 мәдениет нысандары және 9 мемлекеттік мекемелер газға қосылды. Сонымен қатар, 3 балабақшаға мен №210 мектеп қазандықтарын газға лайықтандыру үшін жоба-сметалық құжаттама әзірленіп, облыстық бюджеттен қар­жыландырылуға ұсынылды. Құны 143,8 мың теңге болатын «Тереңөзек кентінде орам­ішілік газ тарату желілерінің құрылысы» жо­басын 2021 жылы бастауға республикалық бюджеттен 129,0 млн теңге қаржы бөлінді. Бүгінгі таңда мердігер мекемемен газ құбырларын тарту жұмыстары атқарылып, газды басқару шкафтарын орнату жұмыстары жүргізілуде, – деді Ержан Бахтияров.

Ал А.Тоқмағамбетов, С.Сейфуллин, Қалжан ахун, Шаған елді ме­кендерін газдандыру жұ­мыс­тарына жоба-сметалық құжаттарын әзір­леуге жергілікті бюджеттен 30,0 млн теңге қар­жы бөлініп, жоба әзірленген. Қазіргі таңда жоба экологиялық сараптама қоры­тындысына ұсынылды. Қорытынды 2022 жылдың қаңтар айында да­йын болады және содан кейін мем­лекеттік сараптамаға ұсынылатын болады.

Бөлім басшысының баяндамасын мұқият тыңдаған аудан басшысы жылу беру маусы­мының маңыздылығына тоқталды. Әсіресе, ме­рекелік демалыс күндерінде халыққа қыз­мет көрсететін әлеуметтік нысандардың жылу беруі тоқтатылмауы қажеттігін ескертті. Бұл ба­ғытта тиісті бөлім, мекеме басшыларына нақты тапсырма берді.

Мәжіліс соңында аудан басшысы мерекелік демалыс күндері ком­муналдық қызметтердің жұмысын қатаң бақылауда ұстау қажеттігін жеткізді. Сонымен бірге, карантиндік талаптарды сақтау үшін мерекелік жиындар, ұжымдық басқосулар өткізуге тыйым са­лынғанын айтып, жыл қорытындыланар тұста қайырымдылық іс-ша­раларына атсалысып, мұқтаж отбасыларға көмектескеннің дұрыс еке­нін атап өтті.

Ақтөре ИБРАГИМҰЛЫ
28 желтоқсан 2021 ж. 118 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам