Тіршілік тынысы Сырдария аудандық қоғамдық-саяси газет

PDF нұсқалар мұрағаты

№79 газет

12 қазан 2019 ж.

№ 78 газет

08 қазан 2019 ж.

№77 газет

05 қазан 2019 ж.

Жаңалықтар мұрағаты

«    Қазан 2019    »
ДсСсСрБсЖмСбЖс
 123456
78910111213
14151617181920
21222324252627
28293031 
» » Кассалық-бақылау машиналары – заңсыз кәсіп жүргізуге тосқауыл

Кассалық-бақылау машиналары – заңсыз кәсіп жүргізуге тосқауыл

Заңсыз жолмен кәсіп жүргізіп жүрген кәсіпкерлер жұмысына тосқауыл болу мақсатында бірқатар жаңа бастама жүзеге асып жатыр. Сондай жаңалықтардың бірі – кассалық-бақылау машиналары. Бұл машина жайында baribar.kz тарқатып айтады.

Мемлекет басшысы Қасым-Жомарт Тоқаев 2020 жылдан бастап микро және шағын бизнес саласындағы компанияларды табыс салығынан үш жыл мерзімге босатуды тапсырды.

Бұл ретте онлайн кассалық-бақылау машиналары жүйесі қызметінің маңызы зор. Нақтырақ айтқанда, онлайн-касса арқылы шығарылған фискаль чек мәліметтері Мемлекеттік кіріс органдарының деректер базасына бірден жіберіліп отырады. Одан кейін ақпарат салық декларациясымен салыстырылып, бағаланады.

Бүгінде республика бойынша тіркелген кассалардың 80%-і мәліметтерді онлайн жеткізеді. Қазір тіркеу айтарлықтай жеңілдеді. Енді бұл процесс автоматты түрде жүзеге асып, бір тәуліктен артық уақыт алмайды. Ал бұрын бұған үш тәулік уақыт жұмсалатын.

Қазақстан кәсіпкерлері жұмысында кассалық-бақылау машиналарын жиі пайдаланады. Сол арқылы салық қызметкерлері 90-жылдардан бері олардың табысын бақылап отырады. Алайда “көлеңкедегі” кәсіпкерліктің де бар екенін жоққа шығара алмаймыз. Олар онлайн-касса орнатпай жұмыстарын жалғастырып келеді.

Сондықтан алаяқтық жасайтын сатушыларды анықтау үшін чек талап ету аса маңызды. Онлайн-КБМ орнатпайтын кәсіпкерлерге негізінен базардағы саудагерлер, патентшілер жатады. Мемлекет осы мәселенің алдын алып, адал кәсіп жүргізу мақсатында кәсіпкерлерді ынталандыру жобаларын әзірледі. Бұл ретте тұтынушылардың да мүддесі назардан тыс қалмады. Өйткені сатып алушыларды чек талап етуіге ынталандырудың маңызы зор. Ол үшін мемлекет пен бизнес өкілдерінен материалдық бонустар алуға мүмкіндік беру керек.

Осы мақсатта Мемлекеттік кірістер комитеті бірнеше жыл қатарынан “Чекті талап ет – жүлдені ұтып ал” атты республикалық акция өткізіп келеді. Биыл мұндай шара фискал деректер операторымен бірлесіп ұйымдастырылды. Онда арнайы қосымшада 100 күн ішінде тіркелген чектер бойынша 100 смартфон ойнатылды. Жақында екінші акция басталды. Оған қатысушылар жыл соңында автокөлік ұтып алуға мүмкіндік алады.

15 қыркүйек 2019 ж. 41 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам