Италияда жауған бұршақ салдарынан 110 адам жараланды
Италияның солтүстік-шығысында көлемі бөдененің жұмыртқасындай бұршақ жауды, деп хабарлайды «Хабар 24».Салдарынан 110 адам жараланды. Билік аймақта төтенше жағдай жариялауға мәжбүр. Жарақат алғандардың көбіне опырылаған ағаштар мен көліктің сынған терезелерінің ұшқыны тиген. Төтенше жағдай қызметіне көмек сұрап, 500-ден астам хабарласқан. Айта кетейік, биыл Еуропада күн райы қатты құбылып тұр. Италия, Испания мен Грекияда бірнеше күннен бері аптап ыстық. Италияда 23 қалада қауіп-қатердің ең жоғары деңгейі жарияланған. Римде температура бағаны 41 градусқа жетті.
