Үндістанда «Жасыл» технологияға басымдық берілді
Үндістанның ауылды жерлерінде де күн энергиясын пайдалануға көп көңіл бөлініп жатыр, деп хабарлайды «Хабар 24». Осындай жобаның бірі елдің батысындағы Модхера мекенінде қолға алынған. 10 миллион долларға ауылдағы барлық үй мен ғимаратқа күн панельдері қойылды. Жергілікті билік «бастама тұрғындарға электр энергиясын үнемдеуге көмектесіп қана қоймай, қоршаған ортаны қорғауға да, көп септігін тигізіп жатыр», – дейді.
Айта кетейік, Үндістан әлемде Қытай мен АҚШ-тан кейін ауаға парниктік газды ең көп шығаратын ел болып саналады.
