Еуропа елдері шектеу шараларын күшейтуде

Еуропа елдері COVID-19-ды жұқтырғандар санының артуына байланысты шектеу шараларын күшейтіп жатыр, деп хабарлайды «Хабар 24».

Осылайша, Чехия елі 5 қазанан бастап төтенше жағдай режимін енгізді. Қатаңдатылған ереже бір ай бойы сақталады.

Сондай-ақ билік инфекциялық бөлімнің дәрігерлеріне жеңіл болу үшін медициналық сала студенттерін көмекке тартпақ. Себебі онда кадр тапшылығы сезілуде.

Одан бөлек, ауруханаларда дәрі-дәрмек жетпей жатыр. Ал, Прагада жағдай тіптен қиын. Науқастардың көптігінен өкпені жасанды желдету аппараты бар емханада орын қалмаған.

Айта кетейік, Чехияда коронаиврусты жұқтырғандар саны 70 мыңға жетті.