Балалар балабақшамен қоштасты

Қалжан ахун ауылындағы бүлдіршін балаларға мектепке дейінгі білім беруде өзіндік орны бар «Гүлдер» бөбекжай балабақшасының «Балдырған» ересектер тобында «Қош бол, балабақшам!» атты іс-шара ұйымдастырылды. Ауыл­дық мәдениет үйінде өткізілген салтанатты іс-шараға ауыл ардагерлері, балабақша ұжымы, тәрбиеленушілердің ата-аналары қатысты.

Іс-шарада балалар өлең-тақ­пақтарын жатқа айтты. Бұл ата-аналар мен кеш қонақтарын сүй­сінтті. Сонымен қатар талапты жет­кіншектер топ-топқа бөлініп патриоттық және мерекелік әндер айтты. Мұнан бөлек сәнді көйлек үл­гісімен мың бұрала би биледі. Балабақшамен қоштасу рәсімінде балалардың білімі мен белсенділігін арттыру мақсатында тапқырлық ойындары да ұйымдастырылды.

– Бала – біздің болашағымыз. Әр бала бақытты болуы үшін жаралған. Біздің «Гүлдер» бөбекжай бала­бақшасында үш топ бар. Онда 70 бала тәрбиеленуде. Жұмыс барысында жаңа заман талаптарына сай білім берудің жаңа үлгілерін қолданамыз. «Балдырған» ересектер тобында білім мен тәрбие алған балалардың болашақта озат оқушы боларына сенеміз. Ата-аналарының үмітін ақтаса деп тілейміз, – дейді балабақша меңгерушісі Ж.Бай­на­зарова.

Балаларының сахнаға еркін шығып, шығармашылық көрсетілі­міне риза болған ата-аналар атынан Күнсая әже ұжым қызметкерлеріне, топ тәрбиешілері К.Сәрсенбаева мен А.Бейсенге, музыка жетекшісі А.Әлімбетоваға алғысын айтты.

Өз кезегінде Сейітқасым ата балабақша ұжымы мен бүлдіршін­дерге бата берді. Айта кету керек, бүлдіршіндерді мектепке шығарып салу іс-шарасында даярлық топ­тың толықтай оқу құралдарына «Нұрбек» ШҚ-ның төрағасы Алданберген Құлбаев демеушілік, қолдау көр­сетті. Осылайша, Қалжан ахун­ның атын иемденген ауылдың тағы бір жас толқыны үлкен-кішінің сәт­тілігімен, ақ тілегімен үлкен өмірге қадам басты.

Ердос БЕРКІНБАЕВ