Ақжармалықтардың жарқын жетістігі

Жақында Түркістан қаласында республикалық «Жау­қа­зын»­ өнер байқауы өтті. Бүлдіршіндер, мектеп оқушылары мен жас­өспірімдер арасында ұйымдасты­рыл­ған сайыс «Ер түрік­тің бесігі – Түркістан» тақырыбын арқау етті.

Аталған дүбірлі додаға Ақжарма елді мекеніндегі ауылдық мәдениет үйі жа­нынан құрылған «Сұлу-ай» шы­ғар­ма­шылық орталығының өнерпаз­дары түрлі жанр бойынша бақ сынап, жүл­делі орындарды қанжығалап қайтты. Олар­дың ішінде ақындық өнері бойынша Тұмарлан Өмірбек 1 орынды иеленсе, дәл осы бөлім бойынша бас жүлдені Аңсар Нұрланұлы иеленді. Вокал бойынша Анель Қайратқызы, көркемсөз жанры бойынша Елнар Нұрланов бас жүлдеге ие болды. Ал көркемсөз оқу сайысынан бірінші орын ақжармалық Ақмаржан Толыбековаға бұйырды. Өнерпаздардың талантын шыңдап, дүбірлі додаға қосқан жетекшілері Гүлмайра Босатханованың еңбегі еленіп, «Үздік ұстаз» медалімен ма­рапатталды.

– Республикалық байқау Түркістан қа­ласындағы Оқушылар сарайында өтті. Біздің өнерпаздар үлкен дайындықпен барып, бірнеше бөлім бойынша ең жоғарғы марапаттарға ие болды. Еңбек еленіп, оқушылар ауылға үлкен қуанышпен орал­ды. Түрлі өнерді бойына дарытқан жас өнерпаздарымыз Атырау, Астана, Тараз, Шымкент, Түркістан, Ақтөбе облыс­тарынан келген қарсыластарынан оза шапты. Балалардың ауқымды сайысқа қатысуына демеушілік жасаған жас кә­сіпкерлер Алмат Болатов, Тұрар Макеновке, мәдениет үйінің басшысы Айт­мағанбет Темірханов пен «Сұлу-ай» шы­­ғар­­машылық орталығына алғысымыз шек­сіз, – дейді оқушыларды өнерге баулып жүрген жетекшісі Г.Босатханова.

Аталған байқауға би жанры бойынша қатысқан «Сұлу-ай» би тобы Ақжан Сәкенованың жетекшілігімен барып, жүл­делі бірінші орынды иеленді. Өз ке­зегінде біз де өнерпаздарды мерейлі же­тістіктерімен шын жүректен құттықтай отырып, шығармашылық табыс тілейміз.

А.МҰХАНБЕТҚАЛИ