Тіршілік тынысы Tirshilik-tynysy.kz ақпараттық агенттігі
» » » Жас өнерпаздар фестивалі

Жас өнерпаздар фестивалі

«Балалар жылы» аясында Асқар Тоқмағамбетов ауылы көр­кем­өнер­­паздарының «Өнер­паз болсаң ар­қалан» атты өнер фестивалі өтті.

Өнер фестивалінде ауыл тарихына арналған бейнеролик көрсетілді. Одан соң «Асқар ақын немерелерімен» прологы қойылып, жас әнші Абылайхан Бәйділдаев «Ауылым» әнін нақышына кел­тіре шырқады.

Айтулы жылға орайМемлекет басшысы «Бала­ларға ерекше назар аудару керек. Себебі олардың амандығы – мемлекетіміздің жарқын болашағының сенімді кепілі. Сол себепті 2022 жылды «Балалар жылы» деп жариялау керек деп есептеймін. Сонымен қатар бұл жылды тек ұрандап немесе мереке түрінде атап өту ғана емес, балаларды қорғау мақсатында ең алдымен билік тарапынан денсаулық сақтау, білім беру және әлеуметтік қамсыздандыру саласында нақты іс-шаралар жасалуы керек, өс­келең ұрпақтың үйлесімді дамуы мен бақытты ба­лалық шағы – бұл біздің жалпыұлттық міндетіміз» деген болатын. Осындай ауқымды әрі маңызды жылға арналған концертті ұйымдастырушылар аудан жұртшылығына керемет көңіл-күй сыйлады.

«Айтұмар» би тобы мың бұрала қазақ биін, «Рок-н-ролл», «Молдаван» биін биледі. Ауылдағы «Асыл ана» әже­лер ансамблі «Туған жерім – Ақболтай», халық әні «Құ­ралайды» орындап көрермендердің қоше­ме­тіне бөленді. Сонымен қатар көпшілік жас өнерпаздардың көркемсөз, ән, би, драма, домбыра, саксафон, балалар хоры сынды жанрлардағы өнерлерін тамашалады.

Туған жерін мақтаныш ететін Асқарлық өнерлі өрендер концерт барысында туған жердің қасиетін көрсетті. Бұл ретте, жастардың өнермен сусындауына еңбек етіп жүрген ауылдағы медениет саласы қызметкерлерінің еңбегі ерен.

«ТТ» ақпарат
01 қараша 2022 ж. 532 0