Тіл ғұмыры-ұлт ғұмыры
Тілдер мерекесі қарсаңында №131 Т.Қозыбаев атындағы орта мектепте "Тіл ғұмыры-ұлт ғұмыры" атты апталық өтті. Апталық барысында, 5,б-сынып оқушылары және сынып жетекшілері Гүлжанар Әбілованың ұйымдастыруымен "Төрге озған тіл жанашыры" ҚР Журналистер одағының мүшесі, журналист Шахарбек Нұрсейітовпен кездесу болып өтті.Шахарбек ағай кездесу барысында оқушыларға журналистік бағытқа қалай түскенін, осы кезеңдерде жеткен жетістіктерімен бөлісіп, жұмыс кезеңіндегі қызықты оқиғаларын айтып берді. Осылайша ашық-жарқын, еркін форматтағы кездесу болып өтті. Оқушылар журналистке сұрақтарын қойып, болашақта өздері де журналист, Ана тілін қастерлейтін азамат болғылары келетіндерін айтты.
ҚР Журналистер одағының мүшесі, журналист Шахарбек ағай оқушыларға:
– Қазақстанның қай азаматы болса да, Ана тілін көкке көтерін тіл жанашыры болу керек", – деп оқушыларды Ана тілін қастерлеуге, өз ана тілімізде сөйлеуге шақырып, үндеуін жеткізді.
Кездесу соңында мектеп директоры А.Әлиева Шахарбек Нұрсейітовке дайындаған "Алғыс хатын" табыстап, жұмысына табыс, отбасына амандық тіледі.
