Тіршілік тынысы Сырдария аудандық қоғамдық-саяси газет

PDF нұсқалар мұрағаты

№ 4 газет

18 қаңтар 2020 ж.

3 газет

14 қаңтар 2020 ж.

2 газет

11 қаңтар 2020 ж.

Жаңалықтар мұрағаты

«    Қаңтар 2020    »
ДсСсСрБсЖмСбЖс
 12345
6789101112
13141516171819
20212223242526
2728293031 
» » АЛҒАШҚЫ ҚОҢЫРАУ СОҒЫЛДЫ

АЛҒАШҚЫ ҚОҢЫРАУ СОҒЫЛДЫ


Бүгін аудан әкімі Р.Рүстемов Тереңөзек кентіндегі №131 Т.Қозыбаев атындағы орта мектебінде болып, алғашқы қоңырау салтанатына қатысты. "1 қыркүйек – Білім күніне" арналған шараға мектеп әкімшілігі, ата-аналар, оқушылар, ардагерлер және БАҚ өкілдері құрметті мейман ретінде шақырылды.

Салтанатты іс-шара басталмас бұрын аудан басшысы Т.Қозыбаевтың ата-анасымен бірге батыр ұлдың ескерткіш-бюстіне тағзым етіп, гүл шоғын қойды. Мұнан кейін ҚР Мемлекеттік Гимні орындалды және аудан әкімі Р.Рүстемов жиналғандарды жаңа оқу жылының басталуымен құттықтады.
– «Білім күні» барлық азаматтар үшін қуанышты мереке. Өйткені, қыркүйектің алғашқы күнінде көңілі ақ, ниеті пәк бүлдіршіндер қолға қалам алып, әліппе ашып, мектеп табалдырығын аттаса, жалпы оқушылар қауымы жаңа оқу жылына қадам басады. Сонымен бірге, ұлағатты ұстаздар елдің ертеңгі тізгінін ұстайтын ұрпаққа білім беру, тәрбиелеу секілді жауапты міндеттерден тұратын абыройлы жұмыстарына кіріседі. Сондықтан бәріміз жаңа оқу жылының басталуын асыға күтеміз. Аудан ұстаздарының қажырлы еңбегінің арқасында мектеп бітіруші түлектеріміз жыл сайын Ұлттық бірыңғай тестілеуден жоғары ұпай жинап келеді. «Алтын белгі» мен «Үздік аттестат» иегерлерінің қатары да жыл санап артуда. Алдағы уақытта да білім беру саласын дамыту, оқушыларды сапалы білім, саналы тәрбиемен қамту бағытында нақты жұмыстар жасалатын болады,- деген аудан әкімі ұстаздар қауымына шығармашылық сәттіліктер, еңбекте жеміс, абырой тіледі.
Сонымен бірге, жақсы жетістікке жетіп, білім беру ісінде биік белестерді бағындырған бірқатар ұстаздарға ҚР Білім және ғылым министрінің, облыс, аудан әкімінің "Алғыс хатын" табыс етті.

Шара барысында "Қызылдихан" шаруа қожалығының төрағасы А.Құлыбаев мектеп мұғалімдерін және оқушыларын "Білім күні" мерекесімен құттықтап, шаруашылық тарапынан 2 млн.600 мың теңгенің спорттық және музыкалық құрал-жабдықтарын тарту етті.
Іс-шарадан кейін аудан әкімі мектеп сыныптарын аралап, ашық сабаққа қатысты және мектеп жанындағы Т.Қозыбаев музейімен танысты.
01 қыркүйек 2019 ж. 201 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам