Тіршілік тынысы Tirshilik-tynysy.kz ақпараттық агенттігі
» » Синоптиктер аптап әлі басылмайтынын болжады

Синоптиктер аптап әлі басылмайтынын болжады

Алдағы үш тәулікте Қазақстанның басым бөлігіне Иран аумағынан ыстық ауа массалары келіп, температура тағы жоғарылайды.
“Қазгидромет” кәсіпорнының мамандары 16-18 шілде күндері ауа райы қандай болатынын хабарлады.
Антициклон мен Ираннан келетін ыстық ауа массаларына байланысты Қазақстанның көп облысында ыстық және өте қатты ыстық ауа райы сақталады. Республиканың батысында жаңбырдан және ыстықтың әлсіреуінен кейін ауа температурасы қайтадан жоғарылайды. Республиканың басым бөлігінде ауа температурасыклиматтық нормадан 2-7 градусқа жоғары болады деп болжанып отыр, – деп хабарлады синоптиктер.
16 шілде күні қатты ыстыққа байланысты бірнеше өңірде ескерту жарияланды. Нұр-Сұлтанда сынап бағанасы 35 градус, Ақмола облысында 35-38 градус ыстықты көрсетеді.
Солтүстік Қазақстан облысында 37 градус ыстық болады. Күн Маңғыстау облысында 40, Қызылорда облысында 44 градусқа дейін ысиды. Қызылорда облысында солтүстіктен, солтүстік-шығыстан 15-20 метр/секунд жел соғады. Маңғыстау облысында солтүстік-шығыстан және оңтүстік-батыстан секундына 20 метрге дейін жететін жел соғып, шаңды дауыл тұрады.


baribar.kz
16 шілде 2019 ж. 702 0