Сыбайлас жемқорлық – әлеуметтік-экономи­калық процесті баяулататын және дамуына кері әсер ететін, елдің болашағына айтарлықтай қауіп төндіретін құбылыс. Онымен күресу бүгінгі күннің күрделі мәселесі болып отыр. Сыбайлас жемқорлықпен күрес барша азаматтың міндетіне айналып, осы қауіпті кеселден құтылудың шаралары жасалып келеді.

Елімізде сыбайлас жемқорлықпен күрестің 2015-2025 жылдарға арналған бағдарламасы қа­былданып, ауқымды жұмыстар жүргізілуде.Соның айқын дәлелі – мемлекет бас­шысының елімізде жемқорлықтың дендеп кет­кеніне алаң­даушылық білдіріп, мұның қоғамға қауіпті дерт екенін, жемқорлықтың ұлттық қау­іп­сіздік пен мемлекеттің болашағына нұқсан кел­тіретінін айтып, биліктің жемқорлыққа қарсы іс-қимыл жоспарының жеті негізгі міндетін атап өтті.

Біріншіден, азаматтардың құқығын қорғау. Еш­кімнің де заңнан биік емес екендігі.

Екіншіден, қоғамда жемқорлыққа мүлдем төзбеушілікті қалыптастыруды шарт етті. Көп­ші­ліктің жемқорлыққа қатысты құқықтық сауа­тын арттыру жұмыстарын күшейтуді Әділет министрлігіне тапсырды. Сонымен қатар еліміздің болашағы балаларды ерте жастан жемқорлыққа қарсы мәдениет негіздеріне баулуды қолға алу.

Үшіншіден, қоғамдық бақылауды күшейту. Жер учаскісін беру, балабақшадан кезек алу сияқты мәселелердің бәрі де қоғамдық бақылау негізінде жүзеге асуы шарт.

Төртінші шара, бюджеттік саясаттың ашық­тығы.

Бесінші кезекте жемқорлыққа қарсы саясатта өңірлердің рөлін күшейту қажеттілігі айтылды. Әрбір елді мекеннің өз бюджетіне қарай төртінші деңгейлі бюджет құруды аяқтау.

Алтыншы міндет – мемлекеттік қызмет көрсетуді үдемелі цифрландыру. Тұрмыстық жем­қор­лықты жоюдың бірден-бір көзі – мемлекеттік қызмет көрсетуді электронды нұсқаға көшіру.

Жетінші міндет – мемлекеттік сатып алу жүйелерін жетілдіріп, бизнеске әкімшілік қысымды төмендету. Мемлекеттік сатып алу­ларды орта­лықтандырып, әлеуметтік саладағы бюд­жеттік мекеме басшыларын бұл міндеттен босату, со­нымен қатар, мемлекеттік функцияларды бәсе­келестік ортаға беру керектігі айтылды.

Сонымен қатар Мемлекет басшысы жемқорлық бойынша қол астындағы қызметкерлердің қыл­мыстық әрекеттері үшін бірінші басшылардың жауап­ты болатынын тағы бір мәрте қадап айтты.

Қорыта келгенде сыбайлас жемқорлық құқық бузушылыққа қарап жауапкершілікті күшейте оты­рып, оның алдын-алу, тамырына балта шауып, түбегейлі жою үшін бұл дертпен бір жеңнен қол, бір жағадан бас шығарып, бірлесіп күресуге шақырамын.