«AMANAT» партиясының Сырдария аудандық мәслихатындағы депутаттық фракция мүшелері көтерген бастама қолдау тапты

Сырдария аудандық мәслихатының сессиясында көтерілген шағын және орта бизнес субъектілері үшін арнайы салық режимі бойынша салық мөлшерлемесін төмендету мәселесі қолдау тапты. Жаңа салық Кодексінде шағын және орта бизнес субъектілері үшін арнайы салық режимінің мөлшерлемесі 4 пайызды құрайды.

Фракция мүшелері бұл мөлшерлемені өңірдегі қызмет көрсету және сауда салаларындағы кәсіпкерлерге қаржылық жүктемені азайтуға және бизнесті кеңейту мен дамытуға қосымша қаражат бағыттауға мүмкіндік беруі үшін 2 пайызға дейін төмендету бойынша бір ауыздан шешім қабылдады.