«Сырдария аудандық ауруханасы» ШЖҚ КМК жанынан медициналық көмектің сапасын арт­тыру және қол жетімділігін қамта­масыз ету мақсатында “CALL-орталық” жұмысы іске қосылып, бүгінде аудан тұрғындарына қызмет етуде.

Мұнда медицина қызметкерлері тарапынан шағым, ұсыныс, дәрігердің қа­былдауына жазылу, дәрігерді үйге шақырту және тағы да басқа медициналық қызмет туралы ақпараттың барлық түрін алуға мүмкіндік бар екенін айта кеткен жөн. Осы орайда, арнайы бөлінген сала мамандары орталыққа келіп түскен сұрақтарға дүйсенбі-жұма күндері таңғы сағат 08.00-ден кешкі сағат 20.00-ге дейін, сенбі күні сағат 09.00ден 13.00-ге дейін жауап береді. Бұл ретте, аудан тұрғындары 8(72436) 79-9-11 нөмірін теру арқылы “CALL-орталыққа” хабарласа алады.

Сонымен қатар, Сырдария аудандық ауруханасында «Цифр­лы Қазақстан» мемлекеттік бағдар­ламасын іске асыру мақсатында бірқатар іс-шара жүзеге асы­рылып, игілігін көпшілік көруде.

Қазіргі таңда кезекті электронды басқару жүйесін енгізу мақсатында электронды терминалдар іске ко­сылып, тіркеу бөлімі жұмысы мо­дер­низациялану мақсатында цифр­лы пост құрылып, “CALL-орта­лығы” жаңадан өз жұмысын бастады. Бұл дегеніміз дәрігерлер кабинетіндегі кезекті азайтуға мүмкіндік береді. Пациенттердің дәрігерлерге алдын ала жазылуын енгізу пациенттің жеке уақытын жоспарлауға, олар­дың медициналық ұйымдарда өткі­зетін уақытын 1 сағаттан 15 минутқа дейін қысқартуға мүмкіндік береді.

Сонымен қатар, анализді тап­сыру кабинетіндегі кезекті азайту бойынша жұмыс реттеліп, тұрғындарға мейлінше қолайлы жағдай жасалмақ.Мұнда пациенттерге әркез көмекке келуге дайын тұратын медициналық қызметкерлер қызмет көрсетіп, кеңес береді.

Ел алушылар электрондық жүйе арқылы дәрігерге жазылып, емханаға тіркеліп, қажетті кеңес ала алады. Сондай-ақ, дәрігерлік қабылдауға телефон және интернет арқылы “Е-gov” электрондық үкімет порталы және «Дамумед» мобильді қосымшасымен жазылу мүмкіндігі туындағаны қуанарлық жағдай.

Б.ОРДАБЕКОВ