Тіршілік тынысы Tirshilik-tynysy.kz ақпараттық агенттігі
» » ЕРЛЕР – ЕЛДІҢ ТҰТҚАСЫ

ЕРЛЕР – ЕЛДІҢ ТҰТҚАСЫ

Бүгін орталық саябақта Сырдария ауданының азаматтарын Отан алдындағы борышын өтеу үшін салтанатты әскерге шығарып салу рәсімі өтті. Оған аудан әкімінің орынбасары Д.Байдушев, аудандық сот судьясы Ж.Жолдасов, Сырдария ауданының қорғаныс істері жөніндегі бөлім бастығының орынбасары Ғ.Тайшаев, аудан ардагерлері, дербес бөлім басшылары, аудан тұрғындары мен жастар, ата-аналар қатысты. салтанатты шарада «7 мамыр Отан – Қорғаушылар күнімен» аудан әкімінің орынбасары Д.Байдушев құттықтады.
– Сіздерді «7 мамыр – Қазақстан Республи­касының Отан қорғаушылар күнімен» және «Ұлы Отан соғысындағы Жеңістің 74 жылдығы мере­кесімен» шын жүректен құттықтаймын! Елбасы Н.Ә.Назарбаев 1992 жылдың 7 мамырында «Қазақстан Республикасының Қарулы Күштерін құру туралы» Жарлыққа қол қойды. Сол сәттен бас­тап еліміздің қуатты әскері қалыптасып, да­мудың күрделі кезеңдерінен өтті. Осы жылдар ішінде әскеріміз заманауи қару-жарақпен, жаңа техникамен қамтамасыз етілді.
Еліміз Тәуелсіздік алғаннан кейін шекарамыз шегенделіп, жаңа әскери Доктрина қабылданып, әлем елдерімен әскери байланыс орнықты. Тәуелсіздіктің тірегі – тегеурінді әскер десек, бүгінгі таңда еліміздің Қарулы Күштері қазақтың кең даласын қас қақпай, кірпік ілмей қорғауда, – деді аудан әкімінің орынбасары.
Бұдан кейін аудандық Ауған соғысы ардагерлер кеңесінің төрағасы Ж.Нарымбетов, Жамбыл облысы Отар қаласындағы №21450 әскери бөлімшесінде Отан алдындағы борышын өтіп келген сарбаз Ш.Арғынбаев сөз сөйлеп, жастарға сәттілік тіледі. Аудандық мәдениет үйінің өнер­паздары патриоттық әндер шырқап, өнер көрсетті. №35 И.Тоқтыбаев атындағы мектеп-лицей жанындағы «Жас ұлан» ұйымының мү­ше­лері салтанатты шарада ағаларына ақ жол ті­ле­ді. Аудандық ардагерлер кеңесінің төрағасы Х.Әбенұлы жиналған қауымға ақ батасын берді.

Б.ОРДАБЕКОВ

07 мамыр 2019 ж. 982 0