Тіршілік тынысы Сырдария аудандық қоғамдық-саяси газет

PDF нұсқалар мұрағаты

№79 газет

12 қазан 2019 ж.

№ 78 газет

08 қазан 2019 ж.

№77 газет

05 қазан 2019 ж.

Жаңалықтар мұрағаты

«    Қазан 2019    »
ДсСсСрБсЖмСбЖс
 123456
78910111213
14151617181920
21222324252627
28293031 
» » ЖАСТЫҚ. ҚАЙРАТ. ҚҰЛШЫНЫС

ЖАСТЫҚ. ҚАЙРАТ. ҚҰЛШЫНЫС

Биылғы айтулы «Жастар жылы» шеңберінде ел көлемінде түрлі бағытта ұйымдастырылған шараның мазмұны айшықталуда. Аталған бағытта жасылып жатқан жұмыстың басым бөлігінде жастардың үлес салмағы зор. Сондықтан қоғамда олардың өз орның қалыптастыруға деген құлшынысы құптарлық жағдай.
Аудандық «Достық» үйін­де орталық­тан­­­­­­ды­­­­рылған кітапха­налар жү­­йе­сіне қарасты №1 филиал кітапханасы және «Ұр­пақ­тан ұрпаққа» қоғамдық бір­лестігінің ұйымдастырумен ай­тулы жыл аясында «Рухы биік жастар – еліміздің мерейі» тақыры­бында аудан жастарымен кездесу кеші өтті. Оған «Ұрпақтан ұрпаққа» қо­ғамдық бірлестігінің ме­нед­жері Г.Божанова, С.Сей­фул­лин ауылдық округі әкім­дігінің жастар ісі жөніндегі маманы Б.Бекішев, жас кә­сіпкер Ұ.Байтілеуова, жас ақын А.Арыс­­танұлы, Сырдария ауданы бойынша этносаралық қаты­настар жө­ніндегі сарапшысы А.Мей­рамбеков, кітап­ханының тұрақты оқыр­мандары Ж.Мұ­сағұлов, Қ.Пірімбетов, Ж.Ма­ратова, Ш.Шағырова қатысты.
Кітапханашы Л.Серікбаева кешті ашып, Елбасы Н.Назарбаевтың биылғы жарияланған Жолдауы жастарды бір серпілтіп тастағанын, айрықша жігер бергенін тілге тиек етті. Cебебі, еліміздің болашағы – жастарға айрықша көңіл бө­лініп, «Жастар жылын» қабылдауға ұсыныс білдіруі қоғамның ауызбірлігін еселеп арттырғанын айтты. Тұңғыш Президенттің үнемі жастарды қолдап, оны дамытып, келешегін қалыптастыру керектігін жеткізді. Өз кезегінде кеш қонақтары сөз алып, жастардың қоғамдағы атқарып жатқан біршама жұмыстарына тоқталды. Қазіргі таңда тәрбие мен білімнің ұштасуын, ұлт мәдениетін, өркениетін, құндылығын, отбасы бірлігін, қоғам ахуалының тұ­рақ­тануын өзара талқыға салды. Жер­гілікті жас ақын А.Арыстанұлы қазіргі поэзияның деңгейін саралап, жас буынды тәрбиелеуге күш жұмсау керектігі жайлы айтты. Өз өлеңін оқыды. Бала күнінен өмірге деген құлшысы жоғары талапты жас Ж.Мұсағұлов жоспарымен бөлісті. Жас кәсіпкер Ұ.Байтілеуова отбасы мен кәсіпті қатар алып жүру жауапкершілікті қажет ететіндігін жеткізді. Қашанда өз кәсібінді сүю арқылы межелеген жетіс­тікке жетуге болатынын, табыс­ты болудың құпиясы өлшеусіз еңбекте жат­қан­ын атап көрсетті.
«Ұрпақтан ұр­паққа» қоғамдық бірлес­тігінің менед­жері Г.Божанова жастарға қажетті бір­қатар қасиетті тізбектеп, қоғамның белсенді мүшесі болудың ерекше қыр­ларын атады. Рухани тұрғыдан ұрпақ санасына ғибратты, өнегелі бағытты нұсқаған кеште үлкен буын өкіл­дері өмірлік тәжірибесімен бөлісті.

Б.АЯБЕКҰЛЫ

30 сәуір 2019 ж. 124 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам