АҚЫМАҚ БАСЫМЫЗ-АЙ
Мұхтар ағамыз Сұлтекеңе бажа, қарт жорналшы Баймахан Уызбаев қайнаға болып жиі-жиі әзілдесіп отырады екен. Екі кісі де үй-күйсіз Тереңөзекте қызмет жасап, аудандық партия комитетінде үй кезегінде тұрады. Бірде Мұхаң телефонмен дауысын өзгертіп, “Кезекке тұрасыздар да, үй алуды ұмытып кетесіздер, тез жетіңіздер”, – дейді. Екеуі жалма-жан киініп, көңілденіп жүгіріп бара жатқанда, Мұхаң: “шалдар кері қайтыңдар, кезек сіздердікі емес, шатасып айтыпты”, – дейді. Сонда Сұлтекең – “Ақымақ басымыз-ай, осы Мұхаңның кезекті бір сайқымазағы ғой деп ойлап едім” деген екен. Мүсілім ҚАЛМҰРАТҰЛЫ
