Ел Тәуелсіздігі мерекесіне орай аудандық «Еңбек Даңқы» мұражайында мектеп оқушылары арасында «Мәңгілік елімнің бесігін тербеткен – Тәуелсіздік» атты интеллектуалдық-танымдық сайыс өткізілді.
Сайыс оқушылардың мектепте меңгерген білім деңгейін анықтау, ойлау қабілеттерін дамыту, оқуға деген ынтасын арттыру және тәуелсіздіктің шексіз, мәңгі болуына адал қызмет ететін білімді, интеллекті жоғары шәкірттер тәрбиелеу мақсатында ұйымдастырылды. Бұл сайыс 4 кезеңнен тұрды. «Сәлем сөздің анасы», «Бәйге», «Суреттер сыр шертеді», «Мақал – сөздің мәйегі» кезеңдер бойынша сынға түскен №35, №36 мектеп-лицейі мен №131 орта мектеп оқушылары өздерін білімді, жоғары интеллектуалды шәкірттер екендіктерін көрсетті. Мәңгілік елдің тәуелсіздігінің тұғырын биіктетуге арналған сайыс жас ұрпақтың елжанды азаматтар екендіктерін танытты.