Сырдария аудандық мәдениет үйі жанынан құрылған «Сырдария» квартеті жақында Алматы қаласындағы Алатау концерт залында өткен «Ең тандаулы ән тұсаукесер 2018» жұлдыздар фестивалінің түсіріліміне қатысты.

Шарада квартет мүшелері «Қазақ елі» әнін орындап, «Ең таңдаулы ән» номинациясымен марапатталды.

Түсірілім жұмыстарынан кейін «Сырдария» квартеті "Қазақстан" ұлттық арнасындағы «Таңшолпан» таңғы ақпараттық – сазды бағдарламасында қонақта болып, барша қазақстандықтарға ән-шашуын жолдады.

Айта кету керек, аудан әкімінің қолдауымен бұған дейін "Сырдария" квартетінің белді мүшелері А.Садықов пен Н.Тұранов Тереңөзек кентінде жеке шығармашылық концерттерін өткізген болатын.