Бүгінде аудан медицинасының даму динамикасы қарқынды жүзеге асып, көп­теген қордаланған мәселелер шешімін табуда. Медицина саласының жұмысын оңтайландырып, аудан тұрғындарына сапалы қызмет көрсету бір жолға қойылған. Осы ретте аудан әкімінің орынбасары Е.Ахетов жақында ашылған аудандық ауруханаға қарасты «қалпына келтіру және, мейіргерлік күтім паллиативтік кө­мек» бөлімшесін аралап көрді.

Бұнда бір мезетте 35 науқасқа дәрігерлік күтім мен оңалту шаралары жасалады. Сонымен қатар, таңертеңгілік жаттығу, диагноздық ем-шара, массаж, күнделікті физио-терапиялық ем уақы­тылы көрсетіледі. Көбіне бөлімше мамандары инсульт, инфаркт секілді түрлі ауруға шалдыққан науқастарға ем-дом жасап, оңалту шараларын жүргізеді. Барлық жағдайда күтімді қажет ететін ем алушыны сауықтырады. Уақытылы ем қабыл­даған науқастың бар жағдайы жасалып, қатаң қадағалауға алынады. Мазасыздану белгілері байқалған жағдайда жан-жақты тексерулер жүргізіледі. Арнайы медициналық нұсқаулық пен денсаулыққа қажетті кеңестер беріледі.

Өз кезегінде Е.Дәуітбекұлы жұмыс барысымен танысқаннан кейін ем алушылармен кездесіп, пікірлесті. – Мұнда ауданнан шалғайда орналасқан ауыл тұрғындары жоспарлы түрде ем қабылдап, денсаулығын жақсарта алады. Қазіргі таң­да аудан медицинасы дамуының айқын бағыты қалыптасып келеді, – деген аудан әкімінің орынбасары тұрғындардың талап-тілектерін тыңдады.

– Біз балтырымыз сыздап, басымыз ауырғанда ақ халатты абзал жандардың көмегіне жүгінетініміз анық. Осы бө­лім­шенің жаңадан ашылуы құптарлық жағ­дай. Мемлекет тарапынан қарттар мен мүгедектерге барлық жағдай жасалуда. Аудан әкімінің жіті бақылауында болып, едәуір жақсы көрсеткішке көтерілген сала жұмысы көңілге қонымды. Бағдарлама негізінде шет аймақта орналасқан ауыл­дағы ағайынға жайлы медициналық көмек көрсетілуі игілікті іс. Тиімді жұ­мыс көзін ұйымдастыру тетіктерін ұтым­­ды жетілдірген басшы ғана ел алғы­сына бөленеді. Аудандық ауруханаға қа­жетті медициналық құрыл­ғыларымен жабдықтап, дәрі-дәрмекті уа­қы­тылы беру арқылы жанға керектінің бар­лығын жаса­ған ақ халатты абзал жан­дарға алғысымыз шексіз, – дейді емделуші, Айдарлы ауыл­дық ардагерлер кеңесінің төрағасы Ж.Исмайлов.

Негізінен бөлімшеде 19 қызметкер жұ­мыс жасайды. Күн сайын дәрігер, ме­йір­­би­ке, логопед, психолог, физкабинет маманы, кіші буын қызметкерлерінің құ­зыретіне науқастарды сауықтыру, олар­ға жайлы орта қалыптастыру кіреді.