Жастарды қоғамдастықтың өміріне тарту, сондай-ақ, қоғамдастықтың игілігі жолында қоғамдық пайдалы қызмет жасау мақсатында жүзеге асып жатқан Жастар корпусын дамыту жобасы аясында Сырдария ауданы, А.Тоқмағанбетов ауылдық округінде дыбыс жазатын студия жұмыс жасамақшы. Студия ауылда тұратын тұрғындарға 6 ай тегін қызмет көресете отырып, жастардың шығармашылық мүмкіншіліктерін дамытады. Сахнада өнер көрсетуіне жол ашады. Ән орындау балалардың жанына жақын, әрі тиімді, сонымен қатар бос уақытын тиімді пайдаланады. "DaSTan records" дыбыс жазу және өнер орталығы" деп аталатын студияда музыка, фильмдердегі, телевидениедегі және мультфильмдердегі әртістердің дауыстарын, диалогтарды, дыбыстық эффектілерді және осы фильмдерге арналған музыканы (саундтрек) жазуға мүмкіндік қарастырылады.