Қазақстан Республикасының Елордасы – Астана күн санап, өркендеп келе жатқан бас қаламыз. Аз уақыт ішінде көркейіп, әлемді тамсандыратын ғажайып мекенге айналғаны дүйім жұртқа мәлім. Еліміздің бас қаласына биыл 20 толып отыр. Осы орайда жақында аудандық балалар кітапханасы қызметкерлерінің ұйымдастыруы­мен «Жыр-жауһар» поэзия клубының аясын­да «Елім­нің жүрегі-Астана» атты тынығушылар­­­­дың қатысуымен әдеби-жыр кеші өтті.
Шараны балалар кітапханасының мең­герушісі Майра Балмағанбетова ашып, Астана қаласының әлем елдерімен санасатын заманауи үлгідегі нышандарын тілге тиек етті. Өз кезегінде балалар іс-шара барысында Астана қаласының тарихымен, көрікті орындарымен танысты. Сонымен қатар, Отанын қастерлеуге, оны көркейтіп, қадірлей білу керектігі балаларға насихатталды. Мұнан кейін оқушылар Махаббат Болысбекова, Мәншүк Байділдаева, Сандуғаш Серікбаева, Қарақат Бақдәулет, Арайлым Әбдіғаппарова, Дина Қуандықова бірқатар қазақ ақындарының өлең-жырларын жат­­­қа оқыды. Кеш жүргізушісі Астана қа­­ласында өткізілген «ЭКСПО-2017» көрмесінің маңыздылығына тоқталып, әсем Ас­танамыздың одан әрі көркеюіне жә­не еліміздің келешекте бұдан да асқақ мақ­саттарды жүзеге асыруға мүмкіндіктер жасалғандығын айтты.
Шара соңында аудандық балалар кітап­ханасының кітапханашысы Гүлмира Асанова «Айбыны асқақ, тұғыры биік Астана» атты кітап көрмесіндегі әдебиеттермен таныстырып, шолу жасады. Ал, балалар арасында «Ойлы болсаң озып көр» атты әдеби-викториналық ойыны ұйымдастырылды.

Арайлым Өмірбекқызы,
ҚМУ-дың ІІ курс студенті