Жас сайлаушылар клубының мүшелері дауыс беруге келген азаматтарға бағыт-бағдар беріп, учаске ішіндегі тәртіпті сақтауға көмектесуде. Әсіресе, жасы үлкен тұрғындарға ерекше көңіл бөлініп, оларды учаскеге кіріп-шығуына сүйемелдеу, қажетті жағдайда қолдау көрсету жұмыстары ұйымдастырылуда.

Белсенді жастар учаскеге келген тұрғындарды жылы қарсы алып, дауыс беру орындарына бағыт көрсетіп, азаматтардың өз таңдауын жасауына қолайлы жағдай қалыптастыруға атсалысып жатыр. Бұл олардың қоғам өміріне бейжай қарамай, азаматтық жауапкершілікті терең сезінетінін айқын аңғартады.

— «Қоғамға пайдалы іс атқару – біз үшін үлкен мәртебе. Осындай маңызды күні тұрғындарға қолдау көрсетіп, олардың дауыс беруіне жағдай жасау – біздің азаматтық парызымыз», – дейді Сырдария ауданының жас белсенділері.

Жастардың бұл игі бастамасы тұрғындардың саяси науқанға белсенді қатысуына қолайлы жағдай жасап қана қоймай, қоғамдағы өзара қолдау, бірлік пен жауапкершілік құндылықтарының нығаюына да ықпал етуде. Бұл – жастардың ел болашағына бейжай қарамай, қоғамдық өмірге белсенді араласуының жарқын көрінісі.