Қабылдауда Әдеп жөніндегі уәкіл мемлекеттік қызметке жаңадан кірген мамандарға сыбайлас жемқорлыққа қарсы заңнама талаптары мен мемлекеттік қызметте болуға байланысты шектеулерді сақтау бойынша жан-жақты түсіндірме жұмыстарын жүргізді.

Атап айтқанда, басқа ақы төленетін қызметпен, кәсіпкерлікпен айналыспау, өзінің қызмет істейтін немесе бағынысты мемлекеттік органда үшінші тұлғалардың істері бойынша өкіл болмау, қызметтік мүлікті, ақпаратты жеке мақсатта пайдаланбау, қызметке кедергі келтіретін заңсыз әрекеттерден алшақ болу, лауазымдық өкілеттігін жеке мүддеге пайдаланбау, құмар ойындардан, бәс тігуден, лудоманиядан аулақ болу, қызметтік әдеп нормаларын сақтау сынды маңызды мәселелер егжей-тегжейлі түсіндірілді.

Мұндай шаралар жас мамандардың кәсіби және әдепті қызметкер ретінде қалыптасуына, сондай-ақ мемлекеттік қызметке деген жауапкершілікті арттыруға серпін береді.