Жұқпалы аурулардың алдын алған жөн
Жақында Сырдария аудандық ауруханасына қарасты «Салауатты өмір салтын ұстану» орталығы және «Жастар денсаулығы» орталығының мамандары «Сауалатты өмір салтын ұстан» ұраны аясында жұқпалы ауруларға байланысты №36 Әбділда Тәжібаев атындағы мектеп-лицейде түсіндірме жұмысы жүргізілді.Аталған іс-шарада орта мектептің оқушыларына АЙТВ/ЖИТС және тұмаудан қорғану жолы түсіндірілді. Өз кезегінде «Салауатты өмір салтын ұстану» орталығының маманы Д.Тұрлығұлова, «Жастар денсаулығы» орталығының мамандары Н.Тәжібаева, А.Сайранова, АИТВ /ЖИТС инфекциясының алдын алу орталығының медағасы Б.Әбдіқалық қатысып, оқушылармен арнайы тақырып бойынша пікір алмасты. Сала мамандары ақпараттық-танымдық үнпарақ таратты.
