«Aray City Mall» сауда және ойын-сауық орталығында мерекелік жәрмеңке өткізілсе, «Жібек жолы» мен «Қызылорда-Оптомаркет» сауда орындарында концерттік бағдарламалар мен ойын-сауық шаралары өтті. «Анвар» сауда үйінде келушілер арасында түрлі ойындар мен ұтыс акциялары ұйымдастырылып, тұрғындарға көтеріңкі көңіл-күй сыйланды.

Сондай-ақ, бүгін қалада «Halyk Mart» супермаркетінің салтанатты ашылуы өтіп, келушілерге арнайы жеңілдіктер мен дәм-татулар ұсынылды.

Барлық сауда және ойын-сауық орталықтарында Республика күніне орай тауарларға 10%-дан 50%-ға дейін жеңілдіктер жасалып, тұрғындар үшін ерекше мерекелік көңіл-күй қалыптасты.