Аудан әкімінің мерекелік құттықтауы

Құрметті аудан тұрғындары!
Баршаңызды Қазақстан Республикасы Конституциясының 30 жылдық мерейтойымен шын жүректен құттықтаймын!
Мемлекет басшысы Қасым-Жомарт Кемелұлы Тоқаев «Ата Заңымыз – қастерлі Тәуелсіздігіміздің сенімді тірегі» деді. Конституция – елдіктің негізі, егемендіктің нышаны.
Ата Заңға құрмет көрсету – әрбір адамның басты парызы. Қазақстандықтар Конституцияның мемлекет пен қоғам үшін ғана емес, жеке басы мен отбасы үшін де маңызды екенін сезінуі тиіс.
Тәуелсіздікке қол жеткізген жылдар ішінде Сырдария ауданы дамудың даңғыл жолына түсті. Ел Президенті Қасым-Жомарт Кемелұлы Тоқаевтың тапсырмасымен, облыс әкімі Нұрлыбек Машбекұлы Нәлібаевтың қолдауымен мемлекеттік бағдарламалар аясында ауданда ауқымды жұмыстар жүзеге асырылуда. Бірлігі жарасқан аудан халқының игілігі үшін жасалып жатқан әлеуметтік-экономикалық жұмыстар алдағы уақытта да жалғасын табады. Ең бастысы, осындай өміршең істердің бастауында біздің Ата Заңымыз және Заңға бағынатын, тәртіпке бас иетін халқымыз тұрғанын атап өтуіміз қажет.
Біздің басты құндылықтарымыз – Тәуелсіздігіміз, Ата Заңымыз бен бірлігіміз нығая берсін. Әр шаңыраққа құт-береке, ырыс пен ынтымақ тілеймін!
Ел іргесі аман, Тәуелсіздігіміз тұғырлы болсын!
Құрметпен,
Берік Сәрменбаев,
Сырдария ауданының әкімі
Фото: Ашық дереккөзден