Жалтарғандар жазаланады

Батыр бабамыз Бауыржан Момышұлы «Елінен безген ер оңбас» деген екен. Ер азамат үшін елге адал қызмет етумен қатар Отанды қорғау абыройлы борыш саналады. Соңғы уақыттарда әскерден жалтаратын жастардың қатары артты.

Мемлекет басшысы «Қазақстан Республикасының кейбір заң­намалық актілеріне әскери-пат­риоттық тәрбие, әскери қызмет және жекелеген орталық мем­лекеттік органдардың функцияларын қайта бөлу мәселелері бойынша өзгерістер мен толықтырулар енгізу туралы» заңға қол қойды.

Аталған заң бойынша бірнеше заңнамалық актілерге өзгерістер мен толықтырулар енгізілді. Атап айтар болсақ, түзетулер ең ал­ды­­мен азаматтарды әскери-патриоттық тұрғыдан тәрбиелеу жүйесін жетілдіруді және осы саладағы жұмыстарды күшейтуді көздейді. Екінші блок әскери міндеттемелерді даярлау және қайта даярлау деңгейін арттыру қажеттігін алға тартады. Ал үшінші блок әскери есеп жүргізу және әскери қызметке шақыру жүйесін жетілдіруге бағытталса, төртінші блок әскери атақ беру тәртібін оңтайландыруға, ҚР Қарулы күш­терін, басқа да әскерлері мен әскери құрылымдарын жасақтауға және әскери қызметшілердің мәр­тебесін биіктетуге арналған. Келесі блок мерзімді әскери қызметтің беделін көтеруді қарастырса, жас­­тарды әскери қызметке ке­шенді даярлауға жағдай жасау мәселесі де көтерілген. Сондай-ақ мемлекеттік қорғаныс тапсырысын іске асыруды дамыту да басты назарға алынған.

Тәуелсіз еліміздің негізгі қор­ғаны – қуатты әскер. Өскелең ұрпақты тәрбиелеуде Отанға деген сүйіспеншілікті бойына сіңіріп, патриоттық сезімді қалыптастыра білген абзал. Осы орайда әскери міндеттен жалтарудың жазасы да қатаң екенін айта кету орынды.

А.МҰХАНБЕТҚАЛИ

Фото: Ашық дереккөзден