Жергілікті мамандар дәрігерлермен тәжірибе алмасты

Сырдария аудандық ауруханасының мамандандырылған дәрігерлері мен медбикелері кеше Қалжан ахун ауылына арнайы іссапармен барып, жергілікті халыққа қабылдау жүргізді.

Тәулік бойы акушерлік-гинекологиялық көмек көрсету және ұйымдастыру стандарттарын бекіту туралы 2021 жылы шыққан №92 бұйрыққа сәйкес, мобильді топ мүшелері тұрғындарға медицналық кеңес берді.

Мобильді топ құрамында акушер-гинеколог Н.Әбішова, онколог М.Халыбева, терапевт-дәрігер М.Мығымбаева, СӨСҚ маманы Л.Ауминова, ЖВФ жауапты мейіргері Ж.Молдахметова болды.

Қалжан ахун ауылында сала мамандары жергілікті халыққа түсіндірме жұмысын жүргізіп, денсаулық жағдайына байланысты кеңес берді. Өз кезегінде сала мамандары фельдшерлік-акушерлік бекеттің мамандары дәрігерлермен жан-жақты тәжірибе алмасты.