Әрине, әрбір ата-ана үшін баласының мектеп бітіруі – қуанышты сәт. Барлық білім ұясында оқуда озат оқушыларға «Алтын белгі» мен «Үздік аттестат» табысталды. Оның ішінде, 9 сыныпты бітірген білім алушылар да бар.

– Күнтізбенің маусым айы әрбір мектеп бітіруші түлек үшін ерекше мағынаға ие. Мектеп – білім мен тәрбие ордасы ғана емес, өмір шеберханасының бас­тау бұлағы. Осы бір ұмытылмас кеш түлектердің жүрегінде мәңгі сақталары сөзсіз. Аудан бойынша 2024-2025 оқу жылында 9 сыныпты 746, 11 сыныпты 526 оқушы бітірді. 45 бала «Алтын белгі» иегері атанса, 9 сыныптан 100, 11 сыныптан 50 бала «Үздік аттестатқа» қол жеткізді. ҰБТ тапсыруға 461 оқушы өтініш беріп, білім сынағынан өтті. ҰБТ-дан жоғарғы нәтиже көрсеткен оқу­шы­ларымызды мақтан тұтамыз. Салтанатты жиында сани­тарлық талап сақ­­талып, қауіп­­сіздік іс-ша­расына аса мән берілді. Ха­лық бала­сына та­ғы­лымды тәр­­бие берген ұстаздар қауымы түлектерімен қимай қош­­тасуда, – деді Сырдария ауданы бойынша білім бөлімінің басшысы Еркебұлан Жақып.

«Білім – өмір шырағы» екенін ұмытпаған ұстаздар ғылымның, сауатты болудың негізі – ізденісте жатқанын оқушы санасына сіңіре білді. Мерекелік көңіл-күй­ді сезінген тү­лектер кештің басты кейіп­керлеріне айналды. Мерекелік жиында оқушылар мектеп сахнасында соңғы рет өнер көрсетті. Білім нәрімен су­сын­­датқан ұстаз­да­рына алғыс ай­­тып, ақжарма ті­л­­ек­­­терін жеткізді. Мұ­ға­­лімдерге құр­мет көрсетті. Кеш­тің сәні болған вальс билеп, мектеп қабырғасында өт­кер­ген қызықты сәттерді еске алды.