165 сайлаушы тасымалданатын жәшік арқылы дауыс берді
Бүгін Қызылорда өңіріндегі 5 ауылдық округте әкім сайлауы өткізілуде. Сайлау науқаны Арал ауданының Аққұм, Жалағаш ауданының Қаракеткен, Сырдария ауданының А.Тоқмағанбетов және Н.Ілиясов, Шиелі ауданының Жөлек ауылдық округтерінде ұйымдастырылуда. Дауыс беру учаскесіне келе алмаған сайлаушылар тасымалданатын жәшік арқылы дауыс беруіне мүмкіндігі бар. Бұл ретте 5 округ бойынша 165 сайлаушы үйден дауыс берді. Оларға комиссияның 2 мүшесі тасымалданатын жәшік арқылы дауыс беруді қамтамасыз етті.
